Iqtisodiy tadqiqotlar va islohotlar markazi (ITIM) bank faolligi Indeksini yangiladi. Reytingga "Kapitalbank" ATB boshchilik qilmoqda.

17 ta yirik banklar orasida "Kapitalbank" hamon yetakchilik qilmoqda, Bank yetakchilikni 2020-yilning II choragidan beri ushlab turibdi. Kapitalning yetarliligi, daromadliligi va boshqaruv sifati bo'yicha kuchli natijalar bankka umumiy reytingdagi o'rnini mustahkam egallashga imkon berdi.

Jumladan, muddatli bank omonatlari hajmi o'tgan davrga nisbatan 27,1 foizga o'sdi va 5,8 trillion so'mni tashkil etdi. Muddatli depozitlarning kreditlarning umumiy miqdoriga nisbati 90% ga yetdi. 
Boshqa banklar va moliyaviy tashkilotlarning depozitlari va kreditlarining umumiy majburiyatlardagi ulushi 4,2%ni, Moliya vazirligidan olingan mablag'larning ulushi esa 5,5%ni tashkil etdi. Bu ko'rsatkichlar shuni ko'rsatadiki, "Kapitalbank" aholi va biznes bilan faol ish olib bormoqda.

Eslatib o'tamiz, indeks ITIM tomonidan mamlakatning 31 ta tijorat banki uchun ishlab chiqilgan va har chorakda yangilanadi. Hisob -kitobda banklar ko'rsatkichlari quyidagi yo'nalishlar bo'yicha qo'llaniladi: moliyaviy vositachilik, moliyaviy mavjudlik, kapitalning yetarliligi, aktivlar sifati, boshqaruv samaradorligi, daromadlilik, likvidlik. К списку